विश्व धुम्रपान रहित दिवस २०२४ को अवसरमा विनायक इको क्लब, विनायक शिक्षा निकेतन इङ्लिस स्कुल मध्यपुर ठिमीले कक्षा ४ देखि १० सम्मका विद्यार्थीहरू बीच धुम्रपान रहित दिवस सन्दर्भमा नारा प्रतियोगिताको आयोजना गरेको छ । प्रतियोगितामा समुहगत रूपमा कक्षा ४, ५, कक्षा ६, ७ र कक्षा ८, ९, १० मा प्रथम, द्वितीय, तृतीय हुन सफल विद्यार्थीहरुलाई पुरस्कृत वितरण गरिएको थियो ।
साथै धुम्रपान रहित दिवसको अवसरमा जनचेतना फैलाउने उद्देश्यले धूम्रपान विरुद्ध लेखिएका प्ले कार्ड सहित सांस्कृतिक बाजाका साथ धुम्रपान विरुद नारा घन्काउदै कक्षा ७ र ८ का विद्यार्थीहरूको -याली मध्यपुर थिमि नगर परिक्रमा गरेको छ ।
-यालीका क्रममा वाटोमा धूम्रपान गरीरहेका बटुवालाई धूम्रपानको बेफाइदा सम्झाउँदै, चुरोट खोज्दै धूम्रपान नगर्न सल्लाह दिदै चकलेट र चुइगम वितरण गरिएको थियो । इको क्लब का अध्यक्ष लिजा हमालले विश्वमा झण्डै ८ लाख मानिस धुम्रपानका कारण अकालमा ज्यान गुमाइ रहेको साथै, स्वच्छ समाज निर्माणका लागि हामी विद्याथीहरुले धुम्रपान विरुद्ध जनचेतना फैलाउनु पर्ने विचार व्यक्त गरे ।
कक्षा ८ का सृष्टि देउला तथा कक्षा ७ का सस्थिका बरुवालले यस्ता कार्यक्रमले विद्यार्थिहरुमा समाजीक दायित्वबोध हुने तथा धुम्रपान प्रति युवा जमात टाढा हुने र स्वच्छ समाज निर्माणमा बिद्यार्थिको योगदानका बारे बुझ्ने हुन्छ, यसैले यस्ता कार्यक्रम अत्यन्त राम्रो भएको बताए ।
उद्घाटन कार्यक्रममा बोल्दै विद्यालयका प्रिन्सिपल सुरेन्द्रविक्रम प्रजापतिले धुम्रपानले मानव जीवनमा क्षति सिवाय अरु केही नल्याउने भएकाले धुम्रपान आफू पनि नगर्न र अरुलाई पनि नगर्न सल्लाह दिन अनुरोध गर्दै विश्व धुम्रापान रहित दिवस सभ्य र भव्य रुपमा सफल बनाउन सहयोग गर्नुहुने सम्पूर्ण महानुभावहरुमा हार्दिक धन्यवाद ज्ञापन गरेका थिए ।
