भक्तपुर नगरपालिकाले शैक्षिक शत्र २०८०/०८१ को लागि नगरपालिका अन्तगर्तका विद्यालयहरूमा कक्षा ११/१२ मा छात्रवृत्तिमा अध्ययन गर्न चाहने विद्यार्थीका लागि लिएको परीक्षाको नतिजा प्रकाशित गरेको छ।
नगरपालिकाबाट मिति २०८० साउन १३ गते, शनिबार लिइएको परीक्षामा ६ सय ७४ जना परीक्षार्थीहरू सहभागी भएका थिए ।
संस्थागत विद्यालय छात्रवृत्ति वितरण कार्यविधि, २०७४ ले गरेको व्यवस्थाबमोजिम विद्यालयले उपलब्ध गराउनुपर्ने १०% छात्रवृत्तिमध्ये ३.३% छात्रवृत्ति सिफारिसको लागि छनोटमा पर्न सफल विद्यार्थीहरूको नामावली प्रकाशित गरेको हो ।
छात्रवृत्ति छनोटमा पर्न सफल विद्यार्थीहरूलाई २०८० साउन २७ गते, शनिबार ख्वप इन्जिनियरिङ्ग कलेज, लिवालीमा एक कार्यक्रममा सिफारिस पत्र वितरण गरिने छ ।
