भक्तपुर नगरपालिका क्षेत्रमा एसइई परीक्षामा कुल ५९ स्कुलहरुबाट दुई हजार तीन सय ६५ जना विद्यार्थी सहभागी भएका थिए । त्यसमध्ये सवैभन्दा वढी सैनिक आवासीय मावि सल्लाघारीबाट तीन सय ९३ जना विद्यार्थी सहभागी भएका थिए ।
यसैगरी वागीश्वरी माविबाट दुई सय ७६ जना र एभरेष्ट इगलिश स्कुलबाट एक सय सात जना विद्यार्थी सहभागी थिए । यसबाहेकका सवै स्कुलहरुको सहभागिता एक सय भन्दा मुनिको छ ।
नगरका यी स्कुलहरुको औसत जीपीए ३.१४ रहेको छ । यसमध्ये सवैभन्दा वढी मेधा माविले ३.७१ औसत जीपीए ल्याएर नम्वर एक बनेका छन् । एभरेष्ट स्कुलले ३.३८ औसत जीपीए ल्याएर ११ औ स्थानमा छ भने बागीश्वरीले २.९८ जीपीए ल्याएर ४१ औ स्थानमा छ ।
